TRABALLAMOS AO SOL

Despois de tanta choiva temos que aproveitar os momentos ó sol. Así que, na sesión de Aternativa, saímos ó patio a traballar.

QUE BEN SENTOU!!!

Foi tanta a calor que tivemos que poñernos á sombra! 

Tamén aproveitamos estes días para facer picnic e merendar ó sol!

GRAVACIÓN DO VÍDEO PARA O VIDEOCLIP "ODESSA" (de Uxía Lambona e a Banda Molona)

Hai un tempo vimos esto da banda de música infantil "UXÍA LAMBONA E A BANDA MOLONA":

Así que puxémonos mans á obra e convertímosnos en INTERMEDIARIOS entre a banda e o alumnado.Pr iso, previamente enviamos a información ás familias para contar coa autorización pertinente e preparamos os accesorios para a cabeza como utilizan os directos os membros da banda.

Desde o colexio gravamos os vídeos dos peques bailando e cantando a canción e, a banda de Uxía Lambona , é a que vai utilizar eses videos, editalos, escoller a parte dos vídeos,...de todos os colexios que lles manden e elaborarán o videoclip con todos eles! 

A nosa parte, que foi a gravación dos vídeos, xa está feita. Hoxe pasámolo xenial bailando "ODESSA", é unha canción súper divertida!

Aquí deixámosvos uns clips dos vídeos nos que bailaron (Cando o videoclip se publique,subiremos estes vídeos na totalidade)

Para rematar, fixemos un último baile todos xuntos! 

FOI XENIAL! 

QUE GANIÑAS DE VER O RESULTADO!

8M - DIA DA MULLER

O 8M, Día Internacional da Muller, é unha data moi especial para lembrar que todas as persoas somos iguais e merecemos as mesmas oportunidades.

Esta celebración ten a súa orixe nas loitas de moitas mulleres valentes que, ao longo da historia, pediron poder estudar, traballar e participar na sociedade nas mesmas condicións ca os homes. Grazas a elas, hoxe vivimos nun mundo máis xusto, aínda que seguimos traballando para que a igualdade sexa real en todos os lugares.

No cole, o 8M é unha oportunidade para falar coas nenas e os nenos sobre o respecto, a amizade e a importancia de compartir xogos, soños e responsabilidades sen diferenzas. Porque non hai cores, profesións nin xogos “de nenas” ou “de nenos”: todo é para todas e todos.

Para iso, traballamos unha poesía que recitamos e lle puxemos un toque audiovisual que agardamos que vos guste:

Tamén elaboramos unhas flores moi especiais creadas coas nosas mans, mans que axudan, que tenden unha man a quen o precisa, que abrazan, que aloumiñan...mans violetas cheas de amor que florecen en todas partes.

 Celebrar o 8M é aprender a coidarnos, a valorarnos e a construír xuntas e xuntos un mundo mellor, máis igualitario e cheo de oportunidades. 💜

XOGAMOS Ó BINGO COS NÚMEROS

Os números vólvenos tolos pero son TAN DIVERTIDOS!!! Hoxe imos xogar con eles gracias ó bingo!

Sentámonos por parellas como quixemos, no sitios que preferiamos e, preparamos os rotuladores para marcar os números que vaian saíndo. A mestra Carlota era a encargada de sacar as bolas dos números e dicilos en alto e, a mestra María, de anotalos na pizarra.

Todo listo e preparado...IMOS ALÓ!

Tivemos que estar moi atentos, fixarnos ben e tachar ou rodear os números do noso "cartón", alternándose cada membro da parella.

Despois do tempo de xogo, empezaron a escoitarse, pouco a pouco, OS BINGOS!!!

1ª PARELLA 

2ª PARELLA 

3ª PARELLA 

4ª PARELLA 

5ª PARELLA 

DÚAS 6ª PARELLAS

7ª PARELLA 

Que ben o pasamos!!!

TANGRAM E A METODOLOXÍA STEAM

O tangram é un recurso manipulativo moi completo para traballar na etapa de Educación Infantil e reforzar a metodoloxía STEAM (Ciencia, Tecnoloxía, Enxeñaría, Arte e Matemáticas) dun xeito lúdico e motivador.

A través das súas sete pezas xeométricas, as nenas e nenos experimentan coa composición e descomposición de formas, desenvolvendo o pensamento lóxico-matemático (Matemáticas) e explorando conceptos como tamaño, simetría e orientación no espazo (Ciencia). Ao intentar construír figuras, poñen en práctica a resolución de problemas e o razoamento (Enxeñaría), probando diferentes hipóteses ata atopar a solución.

Ademais, o tangram potencia a creatividade e a expresión artística (Arte), xa que permite crear animais, persoas ou obxectos a partir das mesmas pezas. Se incorporamos retos dixitais ou propostas interactivas, tamén podemos introducir a dimensión tecnolóxica (Tecnoloxía).

En definitiva, o tangram é unha ferramenta sinxela pero moi potente para fomentar a aprendizaxe activa, o pensamento crítico e a autonomía desde idades temperás, integrando as distintas áreas STEAM dun xeito natural e significativo.

OBRADOIRO DE INTELIXENCIA EMOCIONAL : Nova sesión

Nesta nova sesión falamos dos nenos e nenas que non teñen as extremidades inferiores, as pernas, ou que non as poden mover. ¿Como se desprazan? ¿será sinxelo ou difícil facer as cousas? 

Nada mellor que poñernos a proba! No ximnasio había pompas de cores, unhas con peixes e outras con comida para os peixes (pelotas). 

Tiñan que colocarse no medio das dúas pompas e deben darlle de comer ós peixes pero, se non lle chegan, deben desprazarse sen mover as pernas. Poden mover as mans, os brazos, o tronco...PERO AS PERNAS NON!

¿Queredes ver un pequeniño vídeo da sesión?

Tras esto, coma sempre, facemos unha asamblea, unha posta en común do que sentimos, da dificultade, do cansado que resulta...e xurdiron novas preguntas por parte dos peques: qué pasa se queren coller algunha cousa que está nun lugar alto e non lle chega?

OBRADOIRO DE INTELIXENCIAS EMOCIONAIS

 No noso colexio entendemos que educar non é só transmitir coñecementos académicos, senón tamén acompañar o crecemento persoal do alumnado. Tal e como explicou o psicólogo Daniel Goleman, a intelixencia emocional é clave para o benestar e o éxito na vida.

As intelixencias emocionais axúdannos a identificar, comprender e xestionar as nosas propias emocións. Cando un neno ou nena aprende a poñerlle nome ao que sente —alegría, medo, frustración ou ilusión— está dando o primeiro paso para coñecerse mellor e actuar con equilibrio.

Pero a educación emocional non remata en nós mesmos. A través das nosas propias experiencias e vivencias, aprendemos tamén a recoñecer as emocións e sentimentos alleos. Aquí entra en xogo a empatía, esa capacidade de poñerse no lugar do outro, comprender como se sente e actuar con respecto e agarimo.

Fomentar o respecto, a colaboración e o agarimo nas aulas crea un ambiente seguro e positivo onde cada persoa se sente valorada. Cando o alumnado aprende a escoitar, compartir e traballar en equipo, está a construír habilidades sociais fundamentais para o presente e o futuro.

Os de 5 anos estamos levando a cabo sesións semanais disfrutando, coa mestra-alumna de prácticas (Carlota) de actividades de concienciación, onde traballamos o que sentimos para entender o que sinten os demáis.

Hoxe centrámonos nos nenos e nenas ós que lle falta algunha extremidade. Visualizamos primeiro unha curtametraxe sen comentar nada previamente.  Observación:

Despois, no ximnasio, comentamos a curtametraxe brevemente e cada un debía escoller se quería debuxar e escribir o e seu nome coa boca ou coa pés.

A maioría preferiu cos pés ...

...pero...

...cos pés, polo visto, cansa moito e prefiren pintar coa boca.

Finalizamos con unha posta en común e, aínda que foi una sesión divertida, comprenderon as dificultades que outras persoas teñen e como lles inflúe noutras aspectos da vida, non só debuxando cos rotulares.

Educar nas emocións é educar para a vida. Porque un colexio que coida as emocións está a formar persoas máis conscientes, solidarias e felices.