MOMENTO FAMILIAS: Charla da nai de Antón sobre temática do proxecto

Hoxe a nai de Antón veu contarnos moitísima información relacionado con proxecto de "Mares e océanos". 

Contounos sobre buceadores, redeiros, tipos de barcos, animais mariños,...moita información acompañada de fotografías que nos deixou abraiados porque lles estaba encantando todo o que lles contou.

O libro quedou na clase para que o vean de novo sen tempo e o seu ritmo.

Unha charla súper interesante: G R A C I Ñ A S

REMATA O PRÉSTAMO DOS LIBROS CARA O CURSO QUE VEN

Hoxe petaron forte na nosa porta a primeira hora. Abrimos e...

...RUFIÑO NOS DEIXOU UNHA MENSAXE!!!

Abrimos a folla que viña enroscada e todos se preguntaron que como o fixera coas súas ás!

A parte da mensaxe no papel, miramos no correo electrónico da clase porque sempre soe deixar unha mensaxe por esa canle...e obviamente... HABÍA MAIL!!! 

Polo que, o martes 26 temos que devolver todos os libros ata o curso que ven!

 Fixádevos que os devolvíchedes todos esta semana!!!

REFORZAMOS O VOCABULARIO DO MUNDO MARINO CON KAHOOT

O Día das Letras Galegas aproveitamos para reforzar os nomes relacionados co mundo mariño: animais, obxetos,...e non hai nada mellor que divertirnos con actividades na pantalla dixital personalizadas para nós. Volo deixo aquí por se queren xogar desde a casa:

AS NOSAS PROPOSTAS PARA O PROXECTO DO CURSO QUE VEN

Xunto a árbore da entrada, está Rufiño e nos fíxo a seguinte proposta a todo o alumnado.

Polo que, na clase, puxemos música relaxante e, en silencio, todos pensamos a temática da que nos gustaría investigar. Logo collimos unha tarxeta e escribimos a nosa proposta de proxecto.

E, se queredes saber cales foron, estas foron:

Despois dobramos as tarxetas e marchamos...

...xunto a Rufiño estaba o buzón e, como estaba moi alto,...

...puxémolo no chan para poder meter as tarxetas nós mesmos.

O prazo remata o venres, 22 de maio...

que ganiñas de descubrir o proxecto gañador entre todas as propostas dos nosos compañeiros do cole!!!

AS NOSAS TARTARUGAS OVÍPARAS

 Entre as cousas que aprendemos do mar, coñecimos ás tartarugas mariñas que son ovíparas, nacen dos ovos. Así que a nós tamén nos creceron as nosas.

 Pintamos con témpera os ovos e as tartarugas. Cando estiveron secas,  as recortamos, as pegamos nun papel, abrimos os ovos cos dedos e finalizamos escribindo libremente unha frase sobre as tartarugas! MIRADE QUE BEN ESCRIBIMOS NÓS!

FACEMOS AS ONDAS DO MAR

 Aprendimos sobre as ondas do mar cun documental e, despois, creamos as nosas ondas dunha maneira moi divertida: papel contínuo, 2 rotulares e...MOITO MOVEMENTO!!!

As mestras collíannos dos pés e nos movían cara atrás mentres nós pintabamos ondas cos rotuladores. Foi taaaaaaaan divertido!!!

Así de bonito quedou o noso "mar" cheo de ondas mariñas. Pero, aquí, falta algo!!!

Faltan os peixes nadando por entre a auga. Así que tócanos pintar os peixes que queiramos, recortalos e pegalos no mar.

O mural quedou xenial! Un bo traballo en equipo!

OBRADOIRO DE XARDINERÍA

 Os nosos cactus medraron e xa precisaban trasplantarse do vasiño de iogur a unha maceta más grande. Así que hoxe tocou obradoiro de xardinería xa a primeira hora, antes de que o calor molestase máis.

Marchamos ó patio coa terra e, por turnos, fomos cambiandoas de sitio e botando terra nova. A algúns non lle facía gracia lixarse as mans e outros...moláballe!

Xa con todo listo, marchamos a clase a poñelo no maceteiro ...

e colocarlle as etiquetas que fixemos co noso nome.

Despois tocou o momento das flores. Troxemos da casa moitísimas flores de diversos cores, tamaños, olores... Estivemos amosándoas todas porque ...MIRA CANTA VARIEDADE DELAS TROXERON!

Despois estivemos vendo todas as que trouxeron os compañeiros e que tiñan expostas nas súas mesas.

E, para rematar, elaboramos pulseiras cos pétalos de flores que máis nos gustaban.

E mirade que pulseiras naturais tan bonitas deseñamos!