Imos traballar a conciencia silábica e ver a evolución de cada un/unha na lectoescritura. Así que escribimos individualmente os nomes destas palabras.
Aproveitando que faciamos desdobre e iamos xogar ós recunchos de fóra da aula coa profe Tanya, repasamos e reforzamos a lectoescritura coa L.
Hoxe levan "DEBERES" por se queren repasar e reforzar na casa as sílabas que traballamos na aula. Non é obligatorio, eh! Pere, se queren ler, mellor que un adulto estea con eles para que se sintan seguros (as 4 palabras coas sílabas con S aínda as lemos a próxima semana)
Xa van collendo ritmo e encántanlles descubrir o que están a ler e que son capaces de escribir eles sos as súas primeiras palabriñas.
Como ben sabedes, estamos nun proceso fermoso no respecto á lectoescritura, onde están aprendendo letras, sílabas, aprenden a "ler" e a "escribir" cousas libremente.
Como sempre digo, é un proceso lindo no que a naturalidade, a flexibilidade e respectar os ritmos é importante. Aprendemos no papel, na pantalla, no ordenador, cos seus nomes, coas palabras que máis lles gusten, presentándo as letras a as sílabas de maneira separada ou incluída en palabras que ven o escoitan,.. moitas son as cousas que facemos e coas que xogamos mentres aprenden sen decatarse.
Unha das cousas que facemos é escribir no ordenador libremente, sen correxirlles aínda porque queremos PENSAR e, a veces, aínda que estea mal escrita, ten a súa "razón". Como exemplo, amoso a pantalla do encargado de hoxe:
Comunícovos que, no blog, na columna esquerda, tedes 2 cousas novas cousas:
1º.- A CARTILLA DE LECTURA INICIAL en maiúsculas que elaborei para este primer acercamento á lectura en PDF. Podedes acceder ó recurso, imprimilo se queredes,...primeiro estamos lendo soamente as sílabas e, cando o reforzamos varias veces, pasamos a ler palabras. Imos pouco a pouco e, cada un/unha o seu ritmo. Se queredes reforzar na casa porque lles fai ilusión, por min non hai problema.
2º.APLICACIÓN DE CREAR PALABRAS. É sinxela e gratuíta que fixo un amigo meu. Utilizámola na clase para que creen a palabra que eles queren e poden utilizala na tablet e no mobil. Eu axúdolles pronunciando esaxeradamente nos casos que precisan e indo con son letra a letra ou sílaba a sílaba. O importante é que disfruten aprendendo.
É IMPORTANTE QUE TANTO LER COMO ESCRIBIR ESTÉN XUNTO AUN ADULTO QUE LLES AXUDE.
Ata a data, levamos traballado estas cartillas varias veces, así que podedes reforzar na casiña.
Agora mismo estamos comezando coas sílabas con N
e nos levará tempo porque a confunden coa M,ejej.
Como xa facemos na clase, temos uns xogos educativos interactivos O KAHOOT para que poidan reforzar a aprendizaxe das sílabas coa diversión dun xogo na tablet/mobil/ordenador!!! (lembrade que, para xogar no mobil debedes descargar antes a app gratuíta).
Veredes unha cousa así como aparece abaixo. De momento hai 3 xogos (das sílabas con P, con M e con N) pero actualizaremos e engadiré máis xogos educativos das outras sílabas).
PARA ACCEDER, PINCHADE NA IMAXE DE ABAIXO ou neste enlace.
Os de 5º Ed. Infantil comenzamos xa máis "en serio" coa lectura.
Agora estamos inciándonos coas sílabas que se forman coa P e estamos aprendendo a entender como vai isto que, semella sinxelo pero... non é tanto!!! Aínda que a profe fixo unha cartilla que nos vai a axudar a avanzar.
Comezamos coas maiúsculas que as dominamos mellor. Imos ós poucos, sen agobios!
Pouco a pouco imos lendo, primeiro as pompas coas sílabas e, despois, tratamos de ler as palabras coa axuda da mestra. Unhas veces de maneira conxunta na pantalla dixital e, outras, individualmente na mesiña coa mestra.
Pero tamén reforzamos o recoñecemento das sílabas con outro recurso dixital que é o Kahoot. Ese xogo o facemos xuntos porque estamos comezando.
Primeiro teñen que ver a imaxe, dicir o nome en alto e despois dicir a sílaba pola cal comeza a palabra para logo elexir a resposta correcta: a opción vermella ou azul.
PERO TRANQUILOS! Se non es capaz, os compañeiros axudan...e moito!!!
Hoxe repasamos a vogal "i" que tanto coñecemos. Xa sabemos facela de sobra, sen problema ningún pero, esta vez, complicámolo máis: tratamos de adiviñar palabras que comecen por esa letra.
Pensando, pensando...fomos descubrindo 3 pero, a profe non sabía escribila ben e tivemos que axudala mentres a escribía na pantalla dixital. Ela dicía a palabra pouco a pouco e nós adiviñábamos as letras que hai que por para escribir o nome e...CONSEGUÍMOLO!!!!!
Esta foi unha tarefa un pouco complicada porque as nosas cabezas estaban a tope!!! Pensando, concentrados, moi atentos ó que dicía a profe, discriminar sons...pero, formamos un bo equipo e fixémolo xenial.
Despois, mostramos a nosa destreza na lectoescritura e copiamos as palabras escritas. Tiñamos que mirar a pantalla, observar a letra que tocaba, memorizala e plasmala no papel. Pensades que non o conseguimos??? Pois estades moi equivocados porque somos uns "cracks"!! jejeje
Non hai máis cousa que nos guste que inventar historias e, a de hoxe foi súper divertida! Fantástica! Escoitade o audio pinchando o enlace ...
