PROXECTO "ALUCINE": SAÍDA ESCOLAR Ó FICBUEU

Emocionados non...o seguinte!!! Onte tivemos a nosa primeira saída e nada máis e nada menos que ó FICBUEU (Festival Internacional de Curtametraxes)!!!

Cando chegamos alí fixéronnos unha foto no PHOTOCALL tan chulo que tiñan. Dividíronnos en ciclos polo que, os de infantil e primaria, estabamos en turnos distintos.

Dentro do auditorio estabamos nun lugar estupendo onde a visión era marabillosa. Portámonos xenial porque nos gustaba moitísimo a experiencia.

Proxectáronnos 5 curtametraxes e , a verdade, non sabiamos cal escoller porque había unha que nos emocionaba no corazón, outra que nos fixo rir,...e outra na que descubrimos que "non había unha estrela de mar, senón que saía Patricio nela"!!jajaja.

Tras as esto, fixemos unha visita ó baño e despois a merendar a un parque preto. 

Tiñamos moitísima fame!!!

E comimos moi rápido para...

IR XOGAR!!!

Hai moitas máis fotos no ALBUM DE SETEMBRO 2024.

Hoxe rematamos esta experiencia facendo unhas actividades que nos mandaron desde FICBUEU moi divertidas e, por turnos, TOCOU VOTAR SE NOS GUSTARON OU NON as curtas!!!

(Cremos que foi un éxito brutal)

NOVAS BOLSAS DE CORES PARA USAR NA BIBLIOTECA

Hoxe chegamos a clase e había un paquete marrón. Non sabiamos que era: era grande, de forma cadrada, pesaba un pouquiño...así que mellor abrilo! 

ERAN AS BOLSAS DE CORES PARA A RUFITECA!!!!!

Agora temos bolsas novas para o préstamo de contos na nosa biblioteca! Que chulas!

Como as bolsas non teñen debuxos, qué tal se as decoramos? Pois tivemos a sorpresa de que a nai da profe agasallounos con moitos chaveiros pulpos de crochet e, por turnos, escollimos os que máis nos gustaron! (con ollos de seguridade, así que non hai perigo)

Tras esto, elaboramos as nosas etiquetas, enchémolas de cor, plastificámolas para que non se estropeen e grampámolas na bolsiñas e así que saber cal é a nosa.

Estamos encantados coas nosas bolsiñas de cores e os nosos adornos!!

E, para rematar, realizamos unha manualidade na que tiñamos que encher de cor unhas flores calcando moito para que brillen, picar arredor para que se separe da folla e, por último, demostrar a nosa destreza coa tesoira e recortar os pétalos! Finalizamos poñénlles os talos con pauciños de brochetas!

CANTA COR NA AULA!!!

ESTAMOS NA AULA DE 4 ANOS!! PRIMEIROS DÍAS SUPERADOS!!!

Nestes primeiros días de curso comentamos como foi o noso verán, xogamos e pintamos. 

Quixemos elaborar a nosa propia coroa de coellos como benvida a nova aula. Así que mans á obra!!!

Mirade qué bonitas quedaron!!!

Agora toca o momento de foto de grupo. Mirade que guapos e guapas todos e todas!!!!

E, como non, TOCA A NOSA FOTO DE RISAS!!! LINGUAS FÓRA!!!

XA ESTAMOS EN 5º ED. INFANTIL!!!!

 Chegou o gran día! Comezamos un novo curso na nova aula de 4 anos na Aula 3. Moitos nervios, moitas risas e moitas ilusións por todo o que tiñamos que descubrir: novos recunchos de xogos, novas etiquetas,... e moitas cousas que contar deste verán (gracias ás fotos que nos mandaron ó mail)

Pero o mellor é ver este pequeno vídeo resumo deste primer día...QUE GRANDES ESTÁN!!!

VISITAMOS ÓS ANCESTROS DO ANTIGO EXIPTO A FINAL DE CURSO

Finalizamos o curso Cunha “viaxe” no tempo onde coñecimos ós nosos antepasados, saberiades recoñecer o voso “familiar”?

EXPOSICIÓN ORAL JULIA: "AS PIRÁMIDES"

Hoxe rematamos o proxecto de Exipto con Julia e a súa nai que, por determinados motivos, tívose que atrasar. As pirámides, a temática máis importante coa que iniciamos o proxecto, foi a mesma coa que o finalizamos.

E, para rematar, coloreamos as pirámides que nos trouxo de marrón, como a area,...pero tamén de coloríns porque nos molan moito as cores!!!!!!jejej