Que ganiñas tiñamos en ir á Rufiteca e poder coller contos para levar a casa! Hoxe estrenabamos bolsiñas novas de cores para transportar os nosos contos!!
Este ano imos facer coma os maiores e imos escoller nós mesmos os contos que hai nas estanterías pero debemos ir por orden e non mesturar os contos, non cambialos de sitio nin descolocalos.
Cando atopaban o que lles gustaban, debía coller o seu CARNET PERSOAL DA BIBLIO.
E agora era o momento de ir á mesa para rexistrar o conto na nosa ficha. Este ano contamos coa axuda da mestra de 5 anos, María Otero, que este curso axudaranos co rexistro no ordenador mentres a titora nos axuda coa búsqueda de contos e organizarnos.
É importante manter a calma, ter paciencia e agardar o turno.
Cando xa está rexistrado, podemos gardalo xa na nosa bolsa.
Xa estamos listos para levar os contos durante unha semana e disfrutar das aventuras na casa!!!
Nas bolsas vai un PULPI de agasallo que nos acompañará á Rufiteca e coidará de que non lle pase nada ós contos. Cada un escolleu o que máis lle gustaba!!!
.png)
Ningún comentario:
Publicar un comentario
Nota: só un membro deste blog pode publicar comentarios.