OBRADOIRO DE XARDINERÍA

 Os nosos cactus medraron e xa precisaban trasplantarse do vasiño de iogur a unha maceta más grande. Así que hoxe tocou obradoiro de xardinería xa a primeira hora, antes de que o calor molestase máis.

Marchamos ó patio coa terra e, por turnos, fomos cambiandoas de sitio e botando terra nova. A algúns non lle facía gracia lixarse as mans e outros...moláballe!

Xa con todo listo, marchamos a clase a poñelo no maceteiro ...

e colocarlle as etiquetas que fixemos co noso nome.

Despois tocou o momento das flores. Troxemos da casa moitísimas flores de diversos cores, tamaños, olores... Estivemos amosándoas todas porque ...MIRA CANTA VARIEDADE DELAS TROXERON!

Despois estivemos vendo todas as que trouxeron os compañeiros e que tiñan expostas nas súas mesas.

E, para rematar, elaboramos pulseiras cos pétalos de flores que máis nos gustaban.

E mirade que pulseiras naturais tan bonitas deseñamos!

PANAIS CHEOS DE ABELLAS

Xa rematamos os nosos panais onde reciclamos materiais e co que aprendimos moito da vida das abellas e a súa vida durante estas semanas.

Panais, celdas, abellas, mel,...a súa vida, a súa alimentación, as cousas peculiares e interesantes relacionadas con este insecto tan importante na primaveira: AS ABELLIÑAS.

Os nosos paneis están expostos na cortiza do corredor.

OBRADOIRO DE XOIERÍA: PULSEIRAS DE CORES

 Coa chegada da primavera, chegaron as cores e pareceunos unha boa idea enchernos de alegría e cores facendo un obradoiro de xoiería no que realizamos as nosas propias pulseiras co nome.

Podiamos escoller entre moitas boliñas de cores, así como de letras para compoñer o noso nome e...algunhas delas brillan na escuridade!!!

As boliñas eran pequenas e o fío moi fino, así que era importante a concentración, a coordinación óculo-manual e...non moverse moito,jajaj.

Estivemos por parellas e, a medida que un compañeiro ou compañeira acababa, íamos turnando.

Despois de tempo de traballo, as nosas pulseiras preciosas estaban feitas!!

Dentro duns días, imos continuar con colares personalizados e coloridos!

RODAXE DO VIDEOCLIP "RI, SALTA,RI,CORRE" DE PAKOLAS

Hoxe vivimos unha desas xornadas que quedan gardadas para sempre na memoria da nosa clase. Convertémonos en auténticos protagonistas ao participar na gravación do videoclip de Pakolas co seu tema “Ri, salta, ri, corre”. Unha experiencia única que mesturou ilusión, creatividade e moitas ganas de pasalo ben.

 

Dende primeira hora, o ambiente xa era especial. Chegamos preparados para transformarnos en pequenos animaliños, grazas ao traballo e á colaboración das nosas familias, que puxeron todo o seu agarimo na elaboración dos disfraces. Unha vez caracterizados, estabamos listos para entrar en acción.

Coa cámara preparada e a música soando no altofalante, comezaron as tomas. Risas, saltos, carreiras e moito entusiasmo en cada escena. Repetimos algunhas partes, melloramos movementos e fomos collendo confianza pouco a pouco, sempre acompañados polo artista, que nos guiou e animou en todo momento.

Foi unha xornada chea de aprendizaxe e diversión, na que non só interpretamos unha canción, senón que tamén traballamos en equipo, expresamos emocións e vivimos o proceso real dunha gravación audiovisual.

Queremos agradecer especialmente ás familias pola súa implicación neste proxecto, xa que sen a súa axuda nada disto sería posible. Agora só queda agardar con ilusión para ver o resultado final, que se presentará a final de curso na nosa graduación.

Sen dúbida, un día estupendo que quedará para sempre no noso recordo. 

Ri, salta, ri… e corre cara novas experiencias!

E non vos esquezades!!! Os pais e nais...tamén moveron o corpo!!!

PARA VER MÁIS FOTOS, PINCHADE NESTE ENLACE.