UNHA NOVA MASCOTA NA CLASE

O outro día apareceron varias cousas movidas de sitio que nos iamos decatando pouco a pouco. O elfo traveso non podía ser porque non estabamos en Nadal...quen fora?

Mentres estabamos traballando, a mestra foi coller algo na mesa e viu que, debaixo da mesa, algo se metera no seu bolso. Estaba agochado pero non sabiamos que era.

Ata que o sacamos e era UN COELLIÑO SUAVE!!! 

Viñera a nosa clase e agochárase por se lle rifabamos.

SERÁ O COELLIÑO DE PASCUA?

Era a nai de coello!!! Menuda alegría levou!

Pero pasaron os días e decatámonos que, a nai, non tiña nome. 

Así que hoxe, venres, decidimos poñer fin a esto e facer propostas de nome. Polo que anotamos na pantalla dixital os nosos nomes e a profe ía escribindo o nome que cada un e cada unha quería poñerlle. Así que por turnos ía apuntando a mestra.

Despois de escribir todos os nomes, comezou a votación. Podiamos votar varias veces se nons gustaban os nomes. Foi unha votación moi xusta porque había varios empates...ata que chegou a proposta final que, por 1 punto, foi a gañadora.

A NAI DO COELLO CHAMARASE POMPÓN e quedará con nós na clase.