HORARIO DE AULA

 No bloque esquerdo do blog, tedes o HORARIO DE AULA durante este curso. 

Se pinchades nel podedes descargalo en PDF e imprimilo.

Nel están sinaladas as horas dos ESPECIALISTAS, así como as sesións fixas como asamblea, merenda e recunchos.

ACLARACIÓNS:

- RECUNCHOS NO CORREDOR E PSICOMOTRICIDADE: Cando pon DESDOBRES é porque hai dúas sesións seguidas iguais (como pasa o luns e o martes). Acuden a esas sesións en dous turnos: primeiros todos os da mesa 1 e,despois, os da mesa 2. O resto quedará na aula coa titora.

- BIBLIOTECA: acudiremos a facer o préstamo de libros/contos. Ese día levarán un conto para casa nunha bolsa e deberán traelo de volta o seguinte xoves para poder levar outro. XA AVISAREMOS CANDO COMECEMOS porque, de momento, iremos á biblioteca pero non faremos préstamo.

- VENRES: a sesión de P.E.L.O. é de "Programa de Estimulación da Lingua Oral" e será levada a cabo pola mestra de Audición e Linguaxe.

- SESIÓNS EN BRANCO: as sesións en branco estarán coa titora realizando actividades globalizadas relacionadas co proxecto, coa lectoescritura, lóxico-matemáticas, experimentos, obradoiros, etc.